Psa 44 | Ndebele | STEP | Kumqondisi wokuhlabelela, esamadodana kaKora, Masikili Nkulunkulu, sizwile ngendlebe zethu, obaba basitshelile , umsebenzi owawenza ensukwini zabo, ensukwini zendulo .

1 Nkulunkulu, sizwile ngendlebe zethu, obaba basitshelile ^a, umsebenzi owawenza ensukwini zabo, ensukwini zendulo ^b. 2 Wena ngesandla sakho wazixotsha izizwe elifeni ^c, wabahlanyela bona ^d; wazihlupha izizwe, kodwa wabasabalalisa bona ^e. 3 Ngoba kabadlanga ilifa lelizwe ngenkemba yabo, lengalo yabo kayibasindisanga ^f, kodwa isandla sakho sokunene, lengalo yakho, lokukhanya kobuso bakho ^g, ngoba wawubathanda ^h.

4 Wena uyiNkosi yami, Nkulunkulu ⁱ; laya ukukhululwa kukaJakobe ^j. 5 Ngawe sizadudula izitha zethu ^k; ngebizo lakho sizabanyathelela phansi abasivukelayo ^l. 6 Ngoba kangithembeli ^m kulo idandili lami ⁿ, lenkemba yami kayiyikungisindisa. 7 Kodwa usisindisile ezitheni zethu, wayangisa abasizondayo ^o. 8 KuNkulunkulu siyazincoma usuku lonke; lebizo lakho sizalidumisa kuze kube nininini. Sela* ^p.

9 Kodwa ulahlile wasiyangisa ^q, njalo kawuphumi lamabutho ethu ^r. 10 Usenze ukuthi sibuyele emuva sisuka esitheni; labasizondayo baziphangela ^s. 11 Usinikele njengezimvu zokudliwa ^t, wasichithachitha phakathi kwezizwe ^u. 12 Uthengisile abantu bakho ngokungelanotho ^v, awuzuzanga lutho ngentengo yabo ^w. 13 Usenze ^x saba lihlazo kwabakhelene lathi ^{y
,} ^z, inhlekisa ^aa lendumazo kwabasiphahlileyo ^{ab
,} ^ac. 14 Usenze saba yisiga phakathi kwezizwe ^ad, ukunikinwa kwekhanda phakathi kwabantu ^ae. 15 Usuku lonke ukudunyazwa kwami kuphambi kwami, lehlazo lobuso bami lingigubuzele ^af, 16 ngenxa yelizwi lomgconi lomhlambazi ^ag, ngenxa yesitha lomphindiseli ^ah.

17 Konke lokhu kusehlele, kube kanti kasikukhohlwanga ^ai, kasenzanga ngenkohliso esivumelwaneni sakho ^aj. 18 Inhliziyo yethu kayibuyelanga emuva ^ak, lezinyathelo zethu kaziphambukanga emkhondweni wakho ^al, 19 lanxa usichobozile ^am endaweni yamaganyana ^an, usembese ngethunzi lokufa ^ao. 20 Uba besilikhohliwe ibizo likaNkulunkulu wethu, loba selulela izandla zethu ^ap kunkulunkulu wezizweni ^aq, 21 uNkulunkulu ubengayikukuhlola lokhu yini? Ngoba uyayazi imfihlo yenhliziyo ^ar. 22 Yebo, ngenxa yakho siyabulawa usuku lonke, kuthiwa sinjengezimvu zokuhlatshwa ^as. 23 Phaphama, ulaleleni, Nkosi ^at? Vuka, ungalahli kokuphela ^au. 24 Ufihlelani ubuso bakho, ukhohlwe ukuhlupheka kwethu locindezelo lwethu ^av? 25 Ngoba umphefumulo wethu ukhothamele othulini, isisu sethu sinamathela emhlabathini ^aw. 26 Sukumela usizo lwethu, usihlenge ngenxa yomusa wakho.